ما اصعب هذا الاحساس

اه والف اااااه من ده الاحساس
عايش بس ادور على نفسى
وانا مش عارف يومى من امسى
بشوف نفسى فى مرايا ومبعرفش نفسى
بستغرب اللى انا شايفه
وخايف جدا من اللى انا عايشه
مجروح وجرحى محدش شايفه
اه من اللى انكتب عليا
بجرى بعزم مافيا
ومش قادر حتى اقرب ليا
اه من اللى عشته
اه من الذل اللى شوفته
اه من الدمع اللى بكيته
حاسس ان الدنيا بتلف بيا
ومحدش بردوا حاسس بيا
واللى تعابنى اكتر كلام الناس عليا
خصوصا اقرب الناس ليا
ميعرفوش انا مين؟ .... او حتى مكانى فين؟
عايش والهم باين فى عنيا
والحزن باين ومعلم فيا
وهمى مش انا اللى احكيه
همى دمع الدنيا تبكيه
حاسس انى شجره من غير فروع
او فرع مايل من غير جذوع
حاسس انى مبنى من غير اساس
او انى ورقه على الارض بتنداس
عمرى ماحسيت انى تاج مرفوع على الراس
اه و الف اه من ده الاحساس
دخلت انا فى قضيه
كنت فيها المجرم وكمان الضحيه
والدنيا هى كمان اللى حكمت عليا
نفتنى والمنفى جوايا
غربتنى والغربه جوايا
ودارت الدنيا بيا
وعلى الارض ليقتنى مغمى عليا
ودونى لطبيب القلب
قالى انتا دواك الحب
وانا فى الحب مليش نصيب
حبيت ولا كان ليا فى يوم حبيب
كل اللى احبه بيجرحنى
كل اللى اشتريه بيدبحنى
ولاحد قال فى يوم كلمه تريحينى
هو ده حظى فى الهوا
احتار الطبيب وقال جرحك ملوش دوا
حتى الطبيب فقد فيا الامل
قال انتا شايل حمل جبل
وبصراحه مش لاقى معاك عمل
واصبر وفى الصبر امل
بس انا جيت للحق ...اللى انتا فيه انتا سبب فيه
احساسك الزياده بالناس
وماهو مش لازم كل شىء له اساس
وخليك فاكر ان حبك ليهم
هو ده الشىء اللى مقويهم
عارفين انك مش بسهوله تنساهم
وحتى لو بعدوا هتفضل تتمناهم
ولو عملو ايه عمرك ماهتجرحهم
وعمرك فى يوم هتستكتر عليهم فرحهم
ومش بقول انك عايش ملاك
بس اخلاصك ليهم هلاك
فكر بس فى اللى وياك
وياريت تنسى كل اللى باع هواك
_________________

صعب اوىىىىىىىىىىىىىىىىىىىىىىىىىىىىىىىىىىىىىىىىى
ما اصعب هذا الاحساس HRKATJNOON14

تسلم ايدك يا بوب وايه الحاجات الجامدة دي

يساموا رامى حبيبى على التوبيك الرائع تقبل مرورى

جميلة كلماتك ريمو
بس ليه اللون الغامق قوى دا
يبها على ربنا وخليك معاه وعمرك ما هتحس بأى جرح
عم قول يارب

وحدى أنا عايشة وحدى
بحكى وأشكى لنفسى
مش لاقيه حد جمبى
أحكى وأشكيله حيرتى
ديما بحس يغربه
حتى وأنا وسط أهلى
ديما بحس بوحدة
لكن لمين أنا هشكى
بطلع همى فى شعر
والآخر أرميه جمبى
لا حد بيعرف جرحى
ولا حد بيهمه همى
ديما بحس بجرح
ولا حد فاهمنى

سمسمه كلماتك جامده
تسلم ايدك
شدي حيلك علشان تبقي مشرفه قسم الادب

مرسييييييييييييييييييييييييي ليك ميمو
بجد مش عارفة أقول إيه على ذوقك
شكرا كمان على الثقة دى
دا شرف ليا

اللهم إهدنا لما تحبه وترضاه

مشكوووووووووووووووووووووووووووووووور بجد موضوع هايل بس فى كتير تشائم ليه كده ربنا موجود ...فما اشقنا الى ليسعدنا و ما ابكنا الى ليفرحنا ..فثق بالله دايما وكون متفائل ...اضحك للحياة تتضحكلك