حبيبتى أعذرينى

بسم الله الرحمن الرحيم
حبيبتي أعذريني
حبيبتي أعذريني في بعدى عنك
أعذري قسوة قلبي وأنا في حضنك
أعذري إدياى لما ترفض تلمس أرضك
حبيبتي ما بقتش بحس دفا شمسك
قمري إلى سهرت معاه لبكى مابقاش قمرك

حبيبتي كل ما أحاول منك أقرب يطردني أهلك
أهلك إلى مش أهلي ولا أهلك
إلى حوطوكى وسرقوكى وبعدوكى عن أهلك
حبيبتي وحشتينى
وحشتينى وأنا عايش في صميم قلبك
حبيبتي وحشتينى وأنا جمبك
من كتر لمتهم حوليكى حجبوا عنى ضيك
حبيبتي وحشني مرحك وحشني ضحكك
وحشتني حتى شوارعك
حبيبتي أوعى يبعدوكى عنى ذى ما بعدوني عنك
حبيبتي أعذريني
أعذري ضعفي ويأسى , أعذريني ما بقتش أحسك
بعت لك حبيبتي ألف جواب وما وصلنيش يوم ردك
سامعه حبيبتي ندايا ولا خلاص مابقاش صوتي يوصلك
حاسه بألمي ولا قدروا يقسوا قلبك
لسه بتستنى فرحى ولا مابقناش نهمك
حبيبتى لسه فاكرانا ولا مابقلناش مكان فى حضنك
إحنا الأجداد إلى ضحوا بعمرهم لعمرك
إحنا أولاد نبت ارضك
إحنا أحفادك أمل بكره وشقى عمرك
عرفتينا ولا لسه ؟
إنت أصلا ناسية نفسك !
مش هقولك إصحى فوقى إفتكرى أصلك
لأنك لوبصيتى مش هتعرفى نفسك
يبقى النسيان أحسنلك
حبيبتى أعذرينى
باعوا أرضك هتكوا عرضك حتى أسمك بيتاجروا بيه
يبقى إيه إلى فاضلك
لبسوكى توب مش توبك ولا عمره كان يلقلك
سرقوا أخلاق أولادك ونسوهم فرضك
نسوهم كلمة وطن يعنى إيه واجب
علموهم إدفع تبقى إنهب تعيش عيشوهم
عيشة عمرها ما كانت لأهلك
حبيبتى أعذرينى
هرجع واقولك إصحى فوقى إلعنيهم
أطرديهم من جنتك
إنت مش حاسة دى ما بقتش جنة
بقت جحيم دمروا حلمى وحلمك
حبيبت أعذرين لوكان كلامى ألمك
أعذرينى لو أحييت جرحك
أصل جرحك هو جرحى
حبيبتى أنا حتة منك
حبيبتى إنتى حبى إنتى عمرى إنتى أمى
إنت أصلى إنتى أرضى إنتى عرضى
إنتى كل شىء فاضلى
لكن أنا مجرد فرد من مجاذيب حبك

حبيبتى فى دمى حبك فى ريحتى عطرك
وأصلى أرضك منحتينى إسمك
فى ملامحى رسمك
حبيبتى عارفة بتحبينى أكتر ما بحبك

حبيبتى أعذرينى
سامحينى مقصرة فى حقك

بقلمى ،
بنت الريف

بجد جميله جدا .......................انتى الى كاتبها

oscar كتب:

بجد القصيدة دى جميلة جدا

ايوة كدة يا بنت الريف

هل من مزيد

ربنا يخليك أوسكر
شكرا لذوقك
يارب أكون ديما عند حسن ظنكم
وأقدم كل ما ينال إعجابكم


اللهم إهدنا لما تحبه وترضاه

رغودة احمد كتب:

بجد جميله جدا .......................انتى الى كاتبها

لأ سلفاها
أكيد أنا إلى كاتبها وإلا كنت كتبت منقول أو كتبت إسم الشاعر
نورتى القصيدة بمرورك يا قمر

اللهم إهدنا لما تحبه وترضاه

بجد كلمات رائعة وفكرة أروع ، أنا في بداية القصيدة ظننت أنها بين محبوب ومحبوبة من بني الإنسان فرقت بينهم الظروف ، لكن لما اكتشفت في النهاية إن المحبوبة دي هي مصر عجبتني جدا فكرة التشخيص اللي أنت عملاها . شكرا لمجهودك

مرسيييييييييييييييييي جدا علاء
نورت القصيدة بزيارتك
ربنا يوفقك

انهو شعر جميل

بجد القصيد دى جمدا جدا

مرسى جدا ليك كابو
نورت القصيدة بمرورك
بس ممكن تعرفنا بنفسك
فى قسم الترحيب
ل سنة وأنت طيب
رمضان كريم