فى خمس حاجات كلنا نفسنا يكونوا عندنا
وكلنا بنبذل كل ما فى وسعنا للوصول ليها
والخمس حاجات دول لو الواحد حصل عليهم يعتبر ملك الدنيا بكل مافيها
الخمس حاجات دول
1 - وجه جميل ( مش تتمنى أنك تكون إنسان جميل ووجهك ذى الملايكة )
2 _ فوس بالملايين ( بذمتكم فى حد مننا مابيحبش يبقى من أصحاب المليارات )
3 _صحة كويسة ( كلنا نفسنا تبقى صحتنا كويسه وربنا يحفظنا من الأمراض الخبيثة )
4 _ أولاد شاطرين وعلى خلق ( كل أب وأم نفسهم يبقوا أولادهم مصدر فخر ليهم ومثال للحلق الحسن )
5 _ نوم عميق بلا زوابع ومريح ( مش كلنا نفسنا ننام مرتحين نفسيا ونقدر ننام من غير مهدئات ولما ننام مانحلمش بكوابيس )
كلنا نفسنا فى الخمس حاجات دول صح
أشك إن حد يقدر يرتاح بدون حاجة منهم
أنا بقى وأعوذ بالله من كلمة أنا جيبالكم وصفة سهلة جدا سحرية تستغرق 25 دقيقة يومياً
V
v
v
v
v
v
v
v
v
v
v
v
v
الوصفة دى مش أنا الى جيباها طبعا
دى نعمة من ضمن النعم الكتيييييييييييييييييييييييييييير
الى ربنا أنعم علينا بيها
الى يتبعا ويحافظ عليها هيملك الخمس حاجات الى قولتها
v
v
v
v
v
v
v
v
v
v
v
الوصفة بقى علشان ما اطولش عليكم
قال رسول الله صلى الله عليه وآله وسلم :
من ترك صلاة الصبح فليس في وجهه نور
و من ترك صلاة الظهر فليس في رزقه بركة
و من ترك صلاة العصر فليس في جسمه قوة
و من ترك صلاة المغرب فليس في أولاده ثمرة
و من ترك صلاة العشاء فليس في نومه راحة
يا جماعة بذمتكم فى أسهل من كدا
دول كلهم 25 دقيقة
دا إحنا مفتريين بشكل
وتلاقى الناس ايه الى يشتكى من مرض ، والى يشتكى من قلة الفلوس
والى يشتكى من ان ولاده مش نافعين ، والى يشتكى من قلة نومه والأرق طول الوقت
طيب يا عم صلى / ياست صلى
ياأخويا ياحبيبى صلى / يا حبيبتى يا بنتى صلى
صلى صلى صلى صلى صلى صلى
صلى على النبى بقى
صلى مش هتكلفك حاجة ولا هتتعبك دول كلهم 25 دقيقة
بذمتك / بذمتك بتقعدوا كام 25 دقيقة على النت
بتقعدوا كام 25 دقيقه قدام التلفزيون
بتقعدوا ترغوا فى الموبايل كام 25 دقيقة
وحاجات تانيه كتير ماتستهلش
أعملوا كل دا وعيشوا حياتكم وروشنوا
بس صلى ،
صلى علشان طول ما أنت بتعمل الحاجات دى ربنا يحفظك من أضرارها
صلى علشان مرة فى التانيه هتحس بمدى قيمة الوقت الى بتضيعه فى حاجات تافهه
وشويه شويه هتلاقى نفسك بتستخدم الحاجات دى فى الى يفيدك وبعدين تقوم
صلى علشان ترتاح
برده لسه مش عايز تصلى / مش عايزة تصلى
انا عارفة هتقوم / تقومى تصلى صح
لو ماكنتيش بتصلى وفى وقت حاليا عدى قوم / قومى صليه
ربنا بيغفر تصدوا إن ربنا بيغفر كل شىء بمجرد الندم
هو الندم بكام النهارده بالدولار ولا بالدينار ولا بالجنيه
انا متابعه الأسعار أقولكم الندم بالثقة = محو الذنوب بالنقاء
يلا كلنا نندم على الى فات ونفتح صفحة جديدة نقية
ونقوم نصلى ونستغفر ربنا
وبعدين أرجعوا كملوا شغلكم نت
الجهاز مش هيطير لكن الصلاة بتطير
تصدقوا ليها جناحات وبتطير " شكلكم مش مصدقين "
عموما أنا قولتلكم وماليش دعوة
أنا مش هخلى شوشو يضحك عليا
آه قاعد يضحك عليا ويقولى أكتبى موضوع تانى
دا بيقولى لسه الوقت بدرى وصلاة العشا ممدودة
أبقى صليها قبل ما تنامى
لأ ياعم أروح اصلى أحسن تنسينى ولا تقولى الجو برد وأنا ما بصدق
هروح أنا وأقول بكرة أصليها مرتين
لأ أنا هقوم أصلى
أنتوا كمان يلا قوموا ، قوموا بقى
ايه دا شكلكم مش مصدقينى
والله شوشو قاعد يضحك على كل واحد فينا
أنا ماليش دعوة قد أنذر من أعذر
يا قمر صلى / يا سكر صلى
صلى علشان خاطر ربنا
ياخبر تقدر تقول لأ ، دأنا بقول علشان خاطر ربنا
طولت عليكم أنا عارفة إنى رغايه
بس والله نفسى كلنا أول ما نقرا الموضوع ويكون الوقت فيتنا نقوم بسرعه نصلى
دإحنا مش هنصلى ببلاش دأنت هتكمل كل الحاجات الى أنا قولتها أعيدهملكم كمان مرة
1 _ وجه جميل كالملاك
2 _ فلوس بالمليارات
3 _ صحة متعافية
4 - أولاد مثال للأخلاق3والنجاح
5 - نوم هادىء بلا مهدئات
يا مثبت القلوب ثبت قلوبنا على دينك
اللهم أعنا على شكر نعمك وحسن عبادتك
