عيشها صح .. خلى الكبير الاول هتتحل كل مشاكلك

مشكلة كثيرا ما نقع فيها وهى تاجيل الحجات الكبيرة لتقضيها فيما بعد وتقول اصل دى عايزة وقت احنا معندناش وقت وقتنا مزنوق ومش فاضيين وبعدين الواحد لما بيتزنق ومبيبقاش قدامو مفر يبدا بقضاء المطالب الكبيرة فلا ينجزها صح او ( يكروتها )او يتزنق وميعرفش يعملها طب لية ما تخللص الكبير الاول وخلى الصغير اللى ( هياكل ) وقتك ليكون بعد الكبير المهم يعنى ترتب اولوياتك الكبير الاول وبعدين الصغير فالاصغر عشان متزنقش حياتك وتخنقها ... وعشان يبقى الكلام مفهوم هنعمل تجربة عملى ... اعتبر حياتك ازازة فاضية وانت عايز تملاها بكل الحجات اللى قدامك ... هتملاها ازاى ؟؟؟ فكر ... ولا اقولللكم تعالو نتعرف على التجربة دى ...
وقف رجل حكيم امام الناس واحضر ازازة كبيرة فاضية وقعد يملاها بكرات الجولف ( الصغيرة البيضة دى .. زى كور البينج كدة ) وبعد لما اتملت سأل الحاضرين هل الازازة اتملت ... قالولو ايوة ... فجاب علبة فيها حصى صغير ( طوب صغير يعنى او ظلط ) وكبهم فى الازازة فتخللو بين كور الجولف .. لحد ما اتملت ... فسال الحاضرين هل الازازة اتملت ... قالولو ايوة ... بعدين جاب علبة فيها رمل وكبها فى الازازة ... تخللت بين الكور والحصى لحد لما الازازة اتملت ... وبعدين سالهم بردو هل الازازة كدة اتملت ... قالولو ايوة .. فجاب فنجان القهوة بتاعو وكبو فى الازازة .. فاندهش الناس بقى من اللى بيعملو ..
فقالهم المقصود من التجربة دى ...
ان الازازة دى عاملة زى حيات كل واحد فينا ... وكرات الجولف دى الاشياء الاهم ... زى حياتك _ دينك _ اهلك _ اولادك _ قيمك _ اخلاقك _ اصدقائك .. كدة
فلو انك فقدت باقى الاشياء وحافظت على دول هتبقى حياتك ثابتة ومليئة
اما الحصى فهو الحجات المهمة زى وظيفتك _ بيتك _ سيارتك
اما الرمل فيمثل باقى الاشياء او الامور البسيطة الهامشية .. فلو كنت مليت الازازة بالرمل فلن يتبقى مكان للكرات او للحصى ..
ودا زى حياتك بالظبط لو صرفت كل لوقتك لتوافه الامور مش هيتبقى وقت للامور الضرورية ..
لذا عليك ان تهتم اولا بضروريات الحياة .. واحرص على الانتباه لعلاقتك بدينك .. وتمسك بقيمك واخلاقك .. امرح مع عائلتك واطفالك وصل رحمك .. واحضر هدية لشريك حياتك .. وعبر لحبيبك عن حبك له .. وثق دائما بانك هتلاقى وقت لبقية الاشياء غير المهمة ..
واهتم دائما بكرات الجولف .. والا اصبحت حياتك مجرد رمل

اسفه للاطالة .........رغدودة