بسم الله الرحمن الرحيم
السلام عليكم ورحمة الله وبركاته
إذيكم يا جماعة
ايه أخباركم يارب تكونوا بخير
عارفة كله مشغول فى الأمتحانات دلوقتى
بس أنا حبيت أنزل الموضوع دا
قبل ما أنساه
على الفكرة الموضوع دا حصرى
ومانزلش فى أى منتدى قبل كدا
وأتحدى أى حد يكون شافه فى أى منتدى تانى
أصل الحقيقة دى فكرة من عمو " شوشو" عليه اللعنة
قبل ما أقولكم على اللعبة إذاى
هقولكم الفكرة جات إذاى
أنا كنت بصلى فى أمان الله والتليفزيون شغال فى الأوضة الى جمبى
طبعا شوشو بيدور على حاجة يضيعلى بيها الصلاة
راحت سمعت كلمة بتقول " مين بيشتغل ايه "
المهم إن أصلا ما كنش حد بيقول كدا
دى الممثلة كانت بتقول زيزى عملت كده
مين زيزى وعملت ايه الله أعلم
بس دا الى أكتشفته فى الأخر بعد ما سمعت باقى الجملة
هههههههههههههههه
بس فجت فى دماغى الفكرة دى
وقولت لأزم أنزلها فى المنتدى بتاعنا قبل أى مكان تانى
ولو لقيتوها فى أى منتدى تانى
قارنوا بين التاريخين هتلقوها نزلت هنا الأول
إذاى بقى نلعب اللعبة دى
بصوا بقى
كل واحد مننا هيدخل
هيحط أول تلات حروف من اسم أى عضو
هيدخل الى بعده ويكتب اسم العضو
الى جيه فى دماغه من خلال التلات حروف دول
يدخل بقى العضو المقصود
ويقولنا نفسه يشتغل ايه / يتقمص أى مهنة
وبعدين يدينا معلومات عنها
اللعبة سهلة جدااااااا
يارب تكونوا فهمتوها
وأنا هديكم مثال عليها
مثلا :-
عضو دخل وكتب
محم
العضو الى بعده
جيه فى دماغه مثلا عضو
اسمه " محمد على " مثلا
يدخل محمد على دا
ويقولنا هو نفسه يشتغل ايه
أو يتقمص اى مهنة أو ممكن يكلمنا عن مهنته الى بيشتغلها
وبعدين يقولنا معلومات عن المهنة دى
وايه فيدتها ، وممكن نطورها إذاى ،
وهو ليه أختار المهنة دى ...........إلخ
أكيد فهمتوا
منتظرة المشاركات
ربنا يوفقكم
